Komisioni Qëndror i Zgjedhjeve (KQZ), ka hapur sot procesin e regjistrimit për votën e diasporës në faqen zyrtare kqz.gov.al. Çdo emigrant që ka të drejtën e votës dhe zgjedh për të votuar në 11 maj, duhet të regjistrohet online në platformën e përshtatur për ta.
Regjistrimi mund të kryhet nga një pajisje elektronike dhe të dhënat kryesore që kërkohen janë një numër telefoni ose e-mail, dhe të dhënat personale, nga ditëlindja, vendlindja, numri personal.
Për të krijuar llogarinë tëndë në platformën PER, duhet të skanosh fytyrën me qëllim shmangien e votimit nëpërmjet personave të tjerë.
Hapi tjetër pas krimit të llogarisë, është dërgimi i një kërkese për KQZ me qëllim pranimin e mjetit të identifikimit, theksojmë se në këtë proces janë të pranueshme dhe ato dokumente identifikimi që u ka kaluar afati i vlefshmërisë.
Dokumenti i radhës që kërkohet për procedurat e votimit është një dokument i çfarëdoshëm që vërteton vendin e banimit pasi në atë adresë do të niset nga KQZ fleta e votimit.
– Certifikatë pronësie ose dokument ekuivalent në shtetin e rezidencës, që provon pronësinë e banesës;
– Dokument që provon rezidencën në shtetin e huaj i lëshuar nga autoritetet përkatëse;
– Kontratë qiraje ose huapërdorje të banesës;
– Dokumente bankare (kontratë kredie/vërtetim bankar etj.) që përmban adresën e banimit;
– Kontratë furnizimi ose faturë të furnizimit me ujë në banesë;
– Kontratë furnizimi ose faturë të energjisë gaz ose elektrike në banesë;
– Kontratë ose faturë të abonimit të shërbimit digjital të transmetimeve audiovizive;
– Kontratë ose faturë të shërbimit të internetit të telefonisë fikse në banesë;
– Dokument i lëshuar nga organi kompetent i shtetit ku ka vendbanimin i cili vërteton qëndrimin e zgjedhësve në një institucion shëndetësor, kamp emigracioni apo tjetër të ngjashëm;
– Dokument pronësie ose ekuivalent i lëshuar në shtetin e rezidencës që provon pronësinë e banesës;
– Leje drejtimi automjeti (patentë) në rastet kur shënohet adresa e banimit;
Numri i shtetasve shqiptarë të regjistruar në të njëjtën adresë që aplikojnë në platformën elektronike të regjistrimit nuk mund të jetë më shumë se 6 persona.
Brenda 5 ditëve, inidividi i cili ka aplikuar për të votuar nga jashtë, do të njoftohet nga KQZ nëse aplikimi u pranua, në të kundërt do të njoftohet me detaje në hapat kku ka gabur me qëllim korigjimin e tyre.
