Në kuadër të operacionit policor të koduar “Strike”, janë arrestuar dy shtetas, Xhino Ago dhe Kujtim Pisha, dhe janë shpallur në kërkim Marselo Arani dhe Armando Kola për vrasjen e 43-vjeçarit M. M., i njohur gjithashtu si E. H., ngjarje e ndodhur më 30 nëntor 2025 në lagjen “Emin Matraxhiu” në Elbasan.
Pas një hetimi intensiv dhe të thelluar, agjencitë përkatëse kanë identifikuar dy autorët e dyshuar të vrasjes, si dhe një bashkëpunëtor. Gjatë kohës së hetimit, është arrestuar edhe 52-vjeçari, i njohur si roja i karburantit, për “moskallëzim krimi”, pasi nuk kishte dhënë informacion të nevojshëm.
Hetimet kanë përfshirë gjetjen e automjetit të djegur që është përdorur nga autorët dhe armën e zjarrit që u përdor gjatë ngjarjes. Po ashtu, janë sekuestruar dokumente shitblerjeje të automjetit, tre celularë dhe dy DVR, që përmbanin prova të rëndësishme. Gjatë operacionit, është zbardhur gjithashtu mekanizmi i ngjarjes përmes disa pamjeve filmike.
Arrestimet përfshijnë Xh. A., 32 vjeç, që dyshohet si bashkëpunëtor në vrasje, dhe K. P., 52 vjeç, për moskallëzim të krimit. Shtetasit M. A. dhe A. K., të dyshuar si autorë të vrasjes, janë shpallur në kërkim pas angazhimit të policisë. M. A. ishte nën masën e sigurisë “Arrest në shtëpi” për një krim tjetër.
Sipas hetimeve, automjeti i përdorur nga autorët ishte në pronësi të Xh. A., që ia kishte dhënë me hua M. A. Hetimet vazhdojnë për të identifikuar dhe kapur persona të tjerë të përfshirë në këtë ngjarje. Materialet procedurale janë dorëzuar në Prokurorinë e Elbasanit për veprime të mëtejshme, ku grupi hetimor vazhdon të punojë për zbardhjen e plotë të krimit.
