Rinovimi i Vinicius Junior me Real Madridin është shumë pranë zyrtarizimit, pas takimit të zhvilluar mes palëve.
Klubi madrilen ka përmirësuar ofertën si shenjë besimi ndaj brazilianit, ndërsa marrëveshja e re pritet të jetë e vlefshme deri në vitin 2032.
Vinicius kishte kërkuar fillimisht rreth 30 milionë euro neto në sezon, por paga e tij e re pritet të jetë afër 24 milionë eurove. Lojtari është shprehur i kënaqur me përpjekjen e bërë nga drejtuesit e klubit.
Interesimi i Arsenalit kishte shtuar presionin mbi negociatat, pasi londinezët ishin të gatshëm të ofronin një pagë më të lartë dhe rreth 150 milionë euro për transferimin e tij.
Megjithatë, dëshira e Viniciusit dhe e Real Madridit ka qenë vazhdimi i bashkëpunimit, ndërsa tashmë mungojnë vetëm detajet e fundit dhe zyrtarizimi.
