Al-Nassr luan në transfertë ndaj Al-Fateh në javën e 22-të të Saudi Pro League, teksa skuadra e Jorge Jesus mirëpriti rikthimin e Cristiano Ronaldos, i cili kishte munguar në tre ndeshjet e fundit.
Ylli portugez, që së fundmi festoi 41-vjetorin, i mjaftuan vetëm 18 minuta për ta “firmosur” rikthimin. Kapiteni i Al-Nassr hapi rezultatin pas një asisti nga Sadio Mané, duke shënuar golin e tij të 18-të këtë sezon në kampionat.
Ky ishte goli i 962-të i Ronaldos në karrierë, duke e afruar edhe më shumë me shifrën magjike të 1.000 golave. Tashmë atij i duhen edhe 38 gola për ta arritur këtë rekord historik.
