Një dyqan bizhuterish në një lagje të Londrës u grabit të shtunën, në një aksion që zgjati më pak se një minutë. Ngjarja ndodhi pak pas mesditës, ndërsa grabitësit vepruan me shpejtësi dhe vendosmëri.
Pamjet nga kamerat e sigurisë tregojnë momentin kur njëri prej grabitësve thyen xhamin e vitrinës me çekan, ndërsa bashkëpunëtori i tij e tërheq dhe e shkëput nga korniza. Punonjësit e dyqanit tentuan t’i ndalonin, duke goditur grabitësit me objekte dhe duke përpjekur të tërhiqnin sendet nga vitrina, por pa arritur t’i pengojnë.
Pasi morën bizhuteritë, grabitësit i futën ato në një çantë dhe u larguan me shpejtësi në drejtim të panjohur.
Dyqani ndodhet në Paved Court, një rrugicë e ngushtë me kalldrëm, e njohur për butiqet, kafenetë dhe restorantet, e cila ka shërbyer edhe si ambient xhirimesh për një serial televiziv.
