Elon Musk, themeluesi i SpaceX dhe Tesla, ka publikuar në “X” pamje nga planeti Mars.
Musk, i njohur për idetë e tij të guximshme dhe vizionin afatgjatë, ka shpalosur më tej mendimet e tij mbi të ardhmen e njerëzimit dhe udhëtimin në hapësirë. Ai shpjegoi se dielli është duke u zgjeruar dhe se pas disa qindra milionë vjetësh, Toka do të bëhet e pabanuar.
Ai gjithashtu ka theksuar edhe njëherë deklaratën e tij të çuditshme, duke shprehur dëshirën të vdesë në Mars.
Megjithatë, Musk e ka pranuar se jeta në Mars do të jetë një sfidë e madhe. Pa oksigjen, temperatura ekstreme dhe rrezatim të dëmshëm, ai e ka cilësuar atë si një “kurth vdekjeprurës”. “Është një udhëtim i gjatë dhe mund të mos kthehesh gjallë”, tha ai duke pranuar vështirësitë e plani ambicioz për të dërguar raketën Starship drejt Marsit deri në fund të vitit të ardhshëm, me robotin humanoid të Teslës, Optimus./ilirianews.al
