Një vit i trazuar për Sirinë përfundoi me një notë të hidhur.
Militantë të maskuar kanë djegur një pemë Krishtlindjesh në Al-Suqaylabiyah, një nga komunitetet më të mëdha të krishtera në Siri, duke shkaktuar protesta për shqetësimet mbi lirinë fetare nën administratën e re të vendit.
Observatori Sirian për të Drejtat e Njeriut, i vendosur më parë në BE, raportoi se njerëz të armatosur me maska ndaluan qytetarët të afroheshin ndërsa dogjën pemën, e cila ishte vendosur disa ditë më parë në sheshin kryesor të qytetit. Zjarri u shua nga zjarrfikësit vendas pasi autorët u larguan.
Qindra njerëz kanë protestuar në zonat e krishtera të kryeqytetit sirian të Damaskut. “Ne kërkojmë të drejtat e të krishterëve,” brohoritën demonstruesit ndërsa marshuan nëpër qytet në prag të Krishtlindjeve.
Përmbysja e Bashar al Assad nga rebelët e udhëhequr nga Hayat Tahrir al-Sham (HTS) – një grup dikur i lidhur me Al Kaedën – ka ndezur shqetësime për pakicat fetare në Siri , por udhëheqësi i grupit ka këmbëngulur se të gjitha besimet do të respektohen.
