Disa video nga Amsterdami, ku këmbësorë, çiklistë dhe madje edhe makina rrëshqasin në rrugë të mbuluara nga akulli, janë bërë virale në rrjetet sociale, duke u parë nga dhjetëra miliona njerëz në TikTok, Instagram dhe X.
Pamjet janë xhiruar në zonën Prinsengracht, një nga kanalet më të njohura të qytetit, ku rrugët dhe urat ishin bërë aq të rrëshqitshme saqë njerëzit mezi qëndronin në këmbë. Në disa video shihen çiklistë që bien, këmbësorë që rrëshqasin dhe makina që humbasin kontrollin duke përfunduar në trotuar.
Banorët thonë se “për të dalë nga shtëpia duhet ose shumë guxim, ose shumë humor”.
E këshilla më e mirë ndoshta do të ishte: “nëse s’ke punë urgjente, më mirë shiko akullin nga dritarja”.
