Një ngjarje e rëndë është shënuar mëngjesin e sotëm në qytetin e Durrësit. Rreth orës 08:45, në lagjen nr. 13, dyshohet se një shtetas është vetëplagosur me armë gjahu brenda banesës së tij.
Sipas informacionit paraprak, viktima është shtetasi me iniciale O. Sh., rreth 35 vjeç, i cili nuk ka mundur t’u mbijetojë plagëve të marra dhe ka ndërruar jetë gjatë transportimit për në spital.
Menjëherë pas ngjarjes, në vendngjarje ka mbërritur grupi hetimor, i cili, nën drejtimin e Prokurorisë, po punon për zbardhjen e plotë të rrethanave dhe dokumentimin ligjor të saj.
