Sipas Organizatës Botërorë të Shëndetësisë mbi 1300 persona kanë humbur jetën nga vala e të nxehtit që ka përfshirë Evropën që prej datës 21 qershor.
Drejtori i Përgjithshëm i OBSH-së, Tedros Adhanom Ghebreyesus, theksoi se aktualisht 150 milionë njerëz po jetojnë në kushte të vapës ekstreme, ndërsa qindra kanë humbur jetën, shkollat janë mbyllur dhe rrjetet elektrike po përballen me presion të madh.
191 milionë banorë pritet të përjetojnë temperatura mbi 35°C gjatë javës së ardhshme. Në disa rajone termometri ka kaluar 40°C, ndërsa Franca raportoi 1,000 vdekje, Republika Çeke shënoi rekord historik prej 41.1°C, në Doksany Gjermania regjistroi temperaturën më të lartë ndonjëherë, 41.7°C në Köschen, Brandenburg.
Në Berlin policia po përdor topa uji për të freskuar qytetarët. Shërbimet e trenave dhe tramvajeve janë reduktuar në disa qytete gjermane. Në Romë Papa Leo falënderoi besimtarët që morën pjesë në lutjet e së dielës pavarësisht vapës. Në Francë vala e të nxehtit po tregon shenja lehtësimi, me alarmet e kuqe të kufizuara vetëm në dy lindje.
Evropa po përballet me një nga valët më të forta të të nxehtit të viteve të fundit, duke shkaktuar pasoja të rënda në shëndetin publik, transport dhe jetën e përditshme. Autoritetet paralajmërojnë se temperaturat mund të rriten më tej në ditët në vijim.
