Gjykata e Posaçme ka lënë në burg ish-policin Igli Haxhiaj, duke konfirmuar masën e sigurisë të vendosur më herët ndaj tij në mungesë. Vendimi u mor pas një seance me dyer të mbyllura të zhvilluar këtë të premte.
Hetimet e kryera nga SPAK në bashkëpunim me autoritetet italiane, zbuluan se Haxhiaj kishte nxjerrë sekrete hetimore dhe ishte korruptuar nga anëtarë të një grupi kriminal gjatë kohës që shërbente në Forcat Operacionale të Policisë.
Ky hetim ndërkombëtar ka çuar gjithashtu në arrestimin e tre personave të tjerë në Shqipëri, të cilët janë kapur për llogari të autoriteteve italiane dhe priten të ekstradohen në Itali për t’u gjykuar.
