Presidenti amerikan Donald Trump, në një intervistë në Fox Neës është shprehur se Zelensky është mosmirënjohës ndaj SHBA-ve për ndihmën ushtarake të dhënë në tre vite.
Ai tha se presidenti ukrainas mori para nga administrata e Joe Biden si karamele nga një fëmijë.
“Unë nuk mendoj se ai është mirënjohës. Ne i dhamë 350 miliardë dollarë dhe ai flet për faktin se janë ata që po luftojnë dhe janë të guximshëm sepse dikush duhet të përdorë armë”, tha Trump.
Presidenti amerikan theksoi gjithashtu se ai ka qenë shumë i ashpër me Rusinë, më i ashpër se kushdo që ka qenë ndonjëherë me Rusinë.
Ndërkohë nga ana tjetër, Presidenti ukrainas Volodymyr Zelensky ka deklaruar se do të shkojë në vendin e Lindjes së Mesme të hënën për të takuar Princin e Kurorës Mohammed bin Salman. Pas vizitës së tij, ekipi ukrainas do të qëndrojë në Arabinë Saudite për të punuar me partnerët amerikanë.
