Presidenti Amerikan Donald Trump, ka konfirmuar largimin e Richard Grenell si president i Qendrës Kennedy mes trazirave institucionale, për të marrë një post të rëndësishëm pranë tij.
Trump i propozoi Richard Grenellit që të largohet nga posti i presidentit të institucionit kulturor John F. Kennedy Center for the Performing Arts dhe të kalojë në një rol tjetër.
Presidenti e përshkori ish-ambasadorin e ShBA-së në Gjermani si një mik të ngushtë, i cili ka kryer shumë mirë detyrat e tij.
“Faleminderit Rick Grenell, sepse vërtetë ke bërë një punë të shkëlqyer dhe ne e vlerësojmë. Tani po shikojmë për sipërmarrjen tënde të ardhshme. Ai ka qenë një miku im për një vit.
Nuk ka pasur grua më të lumtur në botë se Angela Merkel. Ajo më telefonoi dhe më falenderoi. Edhe pse i pëlqente shumë Grenell, nuk kishte njëri më të lumtur se ai që nuk do të ishte më ambasador në Gjermani.
Ai nuk ishte ambasadori juaj i zakonshëm. Ai bënte atë që ishte më mirë për ShBA-në, jo për Gjermaninë. Dhe më lejoni të them se ai bëri një punë të shkëlqyer. Aq mirë, sa që e vura përgjegjës për diçka të quajtur inteligjencë.
Ishte diçka që ai nuk donte ta bënte, por e bëri dhe shkëlqeu,” tha Trump në një konferencë për mediat.
Në vend të tij, Trump propozoi që Matt Floca të marrë drejtimin e institucionit, sidomos për të menaxhuar projektin e madh të rindërtimit dhe renovimit.
Grenell ka qenë një nga bashkëpunëtorët më të afërt të Trump në politikën e jashtme. Ai është shumë aktiv në media dhe në politikën amerikane.
Në Ballkan njihet sidomos për rolin në dialogun Kosovë-Serbi dhe projektet ekonomike mes dy vendeve.
