PSG ka marrë një fitore të madhe 4-2 ndaj Manchester Cityt në “Etihad”, duke dominuar pjesën e parë dhe duke i rezistuar reagimit të vendasve pas pushimit.
Skuadra e Luis Enriques e nisi ndeshjen me shumë agresivitet dhe zhbllokoi rezultatin në minutën e 13-të. Désiré Doué mori topin në të majtë, u fut drejt qendrës dhe realizoi me një goditje të saktë.
Vetëm pak çaste më vonë, Doué u kthye në asistues, duke dërguar një krosim drejt shtyllës së dytë për Ousmane Dembélén, i cili shënoi me kokë për 2-0.
PSG vazhdoi dominimin dhe pak pas gjysmë ore lojë gjeti edhe golin e tretë. Zaïre-Emery shërbeu me thembër për Vitinhan, i cili realizoi nga jashtë zone.
Manchester City reagoi në pjesën e dytë dhe Erling Haaland ndezi shpresat në minutën e 53-të, duke shënuar me kokë pas krosimit të Ndiaye.
Megjithatë, PSG goditi sërish. Akliouche krijoi hapësirë pranë zonës dhe goditja e tij përfundoi në rrjetë pas ndërhyrjes së Donnarummas, duke rikthyer diferencën e thellë.
City nuk u dorëzua. Vendasit goditën traversën disa herë, ndërsa Haaland realizoi edhe golin e dytë personal për 4-2 pas asistimit të Bouaddi.
Në fund, Safonov ndali një tjetër tentativë të Haaland, ndërsa Donnarumma priti edhe një penallti të Ferran në minutat shtesë, duke vulosur triumfin e PSG-së.
