Presidenti amerikan, Donald Trump këtë të enjte njoftoi se ka zvilluar një bisedë telefonike me homologen meksikane Claudia Sheinbaum. Trump e cilësoi telefonatën si produktive. Sipas tij ata diskutuan lidhur me tregtinë dhe ndërprerjen e trafikimit të drogës.
“Pata një bisedë telefonike shumë produktive me Presidenten Claudia Sheinbaum të Meksikës. Shkoi jashtëzakonisht mirë për të dy vendet. Pjesa më e madhe e saj u përqendrua në kufi, ndalimin e trafikut të drogës dhe tregtinë”, shkroi Trump në Truth Social .
“Do të flasim përsëri së shpejti dhe, në fund të fundit, do të caktojmë takime në vendet tona përkatëse. Meksika ka një udhëheqës të mrekullueshëm dhe shumë inteligjent – Ata duhet të jenë shumë të lumtur për këtë”, shtoi ai.
Sheinbaum shkroi se me Trump ranë dakord që të dy vendet do të vazhdojnë të punojnë së bashku.
Kjo telefonatë vjen në një kohë kur Trump ka shkëmbyer kritika të ashpra me presidentin kanadez Mark Carney, duke kërcënuar me tarifa 100% nëse vendi arrin një marrëveshje me Kinën.
