Një tërmet me magnitudë 4.8 sipas shkallës Rihter ka goditur gjatë orëve të para të mëngjesit Detin Jon, në një zonë detare mes Sicilisë dhe Kalabrisë.
Sipas Institutit Kombëtar të Gjeofizikës dhe Vullkanologjisë, tërmeti u regjistrua në orën 03:26 të mëngjesit me një thellësi prej 48 kilometrash. Epiqendra ndodhej rreth 72 kilometra në jug të Reggio Calabria dhe 81 kilometra nga Aci Reale.
Lëkundjet janë ndier edhe në disa qytete të Sicilisë, përfshirë Catania, Messina dhe Siracusa, ku banorët, të alarmuar, kanë dalë në rrugë.
Deri më tani nuk raportohet për dëme materiale apo persona të lënduar.
