Një ngjarje e rëndë ka ndodhur në Greqi pasditen e sotme. Një 39-vjeçar nga Shqipëria ka telefonuar autoritetet greke dhe ka denoncuar se ka vrarë gruan e tij.
Sipas informacioneve, burri ka thënë se gruan e ka vrarë me çekiç dhe se e ka fshehur në papafingon e shtëpisë.
Telefonata është bërë pak pas orës 18.00 me orën lokale, ndërsa në vendngjarje kanë shkuar zyrtarë të EL.AS. për të zbuluar se çfarë ka ndodhur.
Në shtëpi kishte një erë të keqe që në momentin e parë dhe u konstatua se në papafingo kishte çanta të zeza.
Bashkëshorti i ka thënë policisë se e ka vrarë me çekiç për shkak të xhelozisë teksa fëmijët ishin në shkollë. Nuk dihet ende se kur ka ndodhur krimi./iliranews
