Aktori i njohur Val Kilmer, i cili ka lënë pas një trashëgimi të paharrueshme në industrinë e kinematografisë, ka ndërruar jetë në moshën 65-vjeçare. Lajmin e bëri të ditur vajza e tij, Mercedes Kilmer, përmes një deklarate për Neë York Times.
Shkaku i vdekjes ishte pneumonia, pas një periudhe të gjatë betejash shëndetësore, i cili ishte diagnostikuar me kancer në fyt në vitin 2017 dhe kishte kaluar një trakeotomi, që i kishte ndryshuar plotësisht zërin.
Pavarësisht sfidave të mëdha shëndetësore, ai vazhdoi të qëndronte aktiv në industrinë e filmit dhe pati një rikthim të madh në vitin 2022, kur përsëriti rolin e tij të dashur si Tom “Iceman” Kazansky në filmin “Top Gun: Maverick”.
I njohur për rolet e tij ikonike në filma si “Top Gun”, “Batman Forever” dhe “Tombstone”, Kilmer krijoi një profil të fortë dhe të shumëpërfolur në Hollivud, duke u bërë një nga figurat më të dashura të industrisë së filmit.
