Shtetet e Bashkuara të Amerikës mësohet se kanë nisur me procedurat e ekstradimit drejt Shqipërisë, me Charter Flight, për Sokol Hoxhën, autorin e tre vrasjeve, i cili ndodhej në arrati për më shumë se 30 vite, ndërsa ra në pranga më 5 maj të 2026, në Ohajo.
Lajmi për ekstradimin e Hoxhës është bërë me dije nga gazetarja Anila Hoxha, e cila bën me dije se se dorëzimi i Hoxhës në Shqipëri vjen në kohën kur për të shumëkërkuarin e drejtësisë, kryhen hetime edhe britanikët që i kanë revokuar pasaportën britanike, të cilën ia kishin dhënë rreth viteve 2000, me identitetin Hysen Gashi. Identitet i ri përmes së cilit hyri më vonë në Amerikë.
Pas arrestimit të tij SHBA, autoritetet shqiptare të drejtësisë kanë nisur komunikimin me autoritetet e Belgjikës ku Hoxha është dënuar me burgim të përjetshëm për vrasjen e Brunilda Dervishi, me kërkesën e transferimit dhe të çështjes tjetër të tij të dënimit në Shqipëri.
Siç kemi raportuar dhe më parë, arrestimi i Hoxhës u krye më 5 maj 2026 në Ohajo, nga Ekipi për Kapjen e të Arratisurve i Shërbimit të Marshallëve të SHBA-së, në bashkëpunim me agjentët e emigracionit dhe strukturat ndërkombëtare të INTERPOL-it. Ai u vu në pranga për shkelje të ligjeve të emigracionit, ndërsa rezultonte prej vitesh në kërkim ndërkombëtar për disa vrasje të rënda të kryera në Shqipëri dhe Belgjikë.
Ndërsa mësohet se pas arrestimit, po realizohet ekstradimi i Sokol Hoxhës nga SHBA-të në drejtim të Shqipërisë.
