Tifozët e Real Madrid nuk e kanë pritur aspak mirë mungesën e Kylian Mbappé në ndeshjen ndaj Espanyol, të cilën madrilenët e fituan 2-0.
Francezi nuk ishte me skuadrën, pasi ndodhej në Itali, një situatë që ka shkaktuar shumë pakënaqësi mes mbështetësve të klubit. Në rrjetet sociale, shumë tifozë e kanë kritikuar ashpër, duke e akuzuar se nuk po tregon respektin e duhur për fanellën e Real Madrid.
Në komentet drejtuar lojtarit, disa tifozë kanë shkuar deri aty sa t’i kërkojnë largimin nga klubi.
“Mbappé, të lutem largohu nga ekipi im”, shkruan një tifoz.
“Mbappé jashtë”, ishte një tjetër koment i ashpër.
Ndërsa një tjetër mbështetës shkroi: “Në këtë pikë, mund të qëndrosh në Itali dhe të mos kthehesh më në Madrid.”
Pakënaqësia nuk duket të jetë vetëm te tifozët. Raportohet se edhe përfaqësues të Real Madrid nuk janë të kënaqur me sjelljen e Mbappé, sidomos për faktin që udhëtimi i tij në Itali u bë publik dhe mori kaq shumë vëmendje.
Situata ka hapur një debat të madh rreth përkushtimit të lojtarit dhe raportit të tij me klubin, në një moment delikat të sezonit për Real Madrid.
