Teuta do të vazhdojë të jetë pjesë e Abissnet Superiore edhe sezonin e ardhshëm. Skuadra durrsake ia doli të triumfojë në ndeshjen e play-out ndaj Pogradecit, duke fituar me rezultatin minimal 1-0.
Sfida ishte e luftuar dhe u vendos vetëm në minutat e fundit, kur Klejdi Daci gjeti golin që i dha Teutës një fitore shumë të rëndësishme dhe siguroi qëndrimin në elitën e futbollit shqiptar.
Durrsakët, që e mbyllën sezonin e rregullt në vendin e tetë, shmangën rënien dhe do të jenë sërish pjesë e kampionatit më të lartë shqiptar.
Nga ana tjetër, Pogradeci luftoi deri në fund, por nuk arriti të përmbyste Teutën në këtë përballje vendimtare.
