Trajneri i Egnatias, Edlir Tetova, u shpreh tepër i lumtur për kualifikimin që skuadra e tij arriti në finalen e “Final 4”, pas barazimit pa gola ndaj Partizanit në “Arenën Kombëtare”. bandicam 2025-05-05 22-14-54-217
Në prononcimin e dhënë për mikrofonin e “RTSH”, tekniku durrsak, ndër të tjera u shpreh:
“Jam i lumtur, një kampionat i gjatë, 36 javë në vendin e parë, e merituam. Kam rezerva për lojën, në 25 metrat e fundit. Daljet nga poshtë kanë qenë mirë. Nga fraksioni i dytë i pjesës së parë. Mendoj që me rastin e Lushkjas në fillim, duhet të kishim shënuar.
Duke ditur që Partizani ka lojtarë të gjatë, e kishim krijuar te Buxhelaj manovrën tonë. Nuk e bëmë thuajse fare në pjesën e parë. Pati zgjatje nga ekipi im, është lodhje e tepërt, nuk duhet ta kem si justifikim, sepse duhet të sakrifikosh, jam i kënaqur nga ajo që ndodhi.
Blloku i mesëm ishte për të shfrytëzuar tranzicionin. Zejnullai nuk është lojtar linje, njeh shumë mirë detyrat e shokëve. I kërkuam të ishte në linjë për të krijuar një formë tranzicioni. Zejnullai është një lojtar që e njeh zonën.
Zejnullai duhej të shfrytëzohej te ndërrimi i lojës. Ujka ishte shumë i ngjeshur nga qendra. Krijuam hapësira për vertikalizime.
Guindo më është dashur këto dy ndeshje, për finalen do të shikoj të analizoj dhe të vendos. Ndaj Vllaznisë është një ndeshje finale, nuk shikohet kundërshtari në këto pozita, do të jetë ndeshje e bukur, t’ia lemë fushës, të fitojë më i miri”, deklaroi Edlir Tetova.
