Të paktën 20 persona u plagosën pasi një tërmet me magnitudë 5.7 ballë goditi Japoninë qendrore të dielën në mëngjes, raportuan mediat lokale. Lëndime u raportuan në prefekturat Aichi dhe Shizuoka, raportoi Kyodo News me seli në Tokio, duke cituar autoritetet lokale.
Nuk u lëshua asnjë paralajmërim për cunami. Tërmeti e kishte origjinën në pjesën perëndimore të prefekturës Shizuoka në një thellësi prej rreth 40 kilometrash (25 milje), sipas Agjencisë Meteorologjike të Japonisë.
Tërmeti ishte më i rëndi që ka goditur Aichin në rreth tre dekada. Sipas operatorit të saj, Chubu Electric Power Co, nuk u zbuluan anomali në centralin bërthamor Hamaoka në Shizuoka.
Tërmeti i detyroi autoritetet të pezullojnë disa shërbime lokale hekurudhore. Një tërmet me magnitudë 4.3 ballë të Rihterit goditi prefekturën Kumamoto në jugperëndim të Japonisë të dielën në mëngjes.
Japonia, e cila ndodhet në Unazën e Zjarrit të Paqësorit dhe direkt në majë të katër pllakave kryesore tektonike, është një nga vendet më sizmikisht aktive në botë. Kumamoto përjetoi një tërmet me magnitudë 7.1 më 28 korrik.
