Një video prekëse nga tërmeti i fuqishëm në Venezuelë po bën xhiron e botës, duke treguar një çift të moshuar me lëvizshmëri të kufizuar teksa përqafohen gjatë lëkundjeve të forta që tronditën vendin.
Pamjet nga një kamerë sigurie brenda shtëpisë tregojnë momentin kur burri i moshuar përqafon fort bashkëshorten e tij dhe e mbron me trupin e tij, ndërsa ndërtesa dridhet nga tërmeti shkatërrues. Gruaja, e frikësuar dhe e paaftë për të lëvizur, qëndron në karrige ndërsa ai përpiqet ta qetësojë dhe t’i qëndrojë pranë deri në fund të lëkundjeve.
Sipas raportimeve, tërmeti i fuqishëm me magnitudë 7.5 dhe 7.2 goditi brigjet veriore të Venezuelës dhe kryeqytetin Karakas, duke shkaktuar mbi 236 viktima dhe duke lënë mijëra persona të zhdukur, ndërsa ekipet e shpëtimit vijojnë kërkimet nën rrënoja.
Në video dëgjohen edhe fjalët e çiftit në momentet e panikut, ku gruaja i thotë “mos më lër”, ndërsa burri i përgjigjet “nuk shkoj askund”, duke i dhënë asaj qetësi mes kaosit.
Ndërkohë, mes tragjedisë, po dalin edhe histori të tjera shprese, si ajo e Graciela Morës, e cila u shpëtua e gjallë nga rrënojat në La Guaira dhe u filmua menjëherë pas nxjerrjes nga ekipet e emergjencës.
