Një situatë tensioni raportohet në afërsi të ‘Petro Nini’ në kryeqytet. Partia Demokratike pretendon se kanë dokumentuar një rast ku disa persona zotërojnë materiale zgjedhore, pajisje elektronike dhe shuma monetare.
Drejtuesi politik i Tiranës, Belind Këlliçi, në një deklaratë për mediat pretendon se disa të rinj kanë qenë prezent aty duke intimiduar qytetarët.
Këlliçi: Deputeti Braçe tha se kjo është zyra ime, por nuk i njeh ata që kanë ikur me vrap. 5-6 të rinj me çanta në krah dhe me kapuç janë larguar me vrap. Dera ka qenë e hapur. Menjëherë u kam bërë thirrje se kush janë si individë. Kanë hequr hartat nga muri, kanë mbledhur plaçkat dhe kanë ikur. Nëse dikush nuk ka shkelur ligjin, nuk ka pse ikën me vrap. Kanë intimiduar votuesit. Braçe ka ardhur vetëm këtu dhe ka hyrë brenda duke pretenduar se është zyra e tij. Kemi telefonuar 6 herë Policinë e Shtetit.
