Një ligj i ri është në diskutim e sipër, i cili pritet t’i japë fund njëherë e mirë shqetësimeve të vazhdueshme që sjellin telefonatat me qëllim marketingu.
Ky projektigj parashikon krijimin e një regjistri për të gjithë individët, të cilët nuk dëshirojnë të kontaktohen nga ofruesit e shërbimeve të reklamimit. Në krye të ktij projekti është vendosur si administrator Besnik Dervishi nga Komisioni për mbrojtjen e të dhënave personale.
“Kjo është një praktikë europiane, kryesisht bazuar në modelin francez e Italian; do të funksionojë shumë thjesht. Me miratimin e ligjit do të ketë një fushatë ndërgjegjësuese, ku cdo qytetar do të jetë i lirë të regjistrohet pranë zyrës së Komisionerit dhe ku do të deklarojë se nuk dëshiron të ketë thirrje të tilla, komunikime të cilat mund të themi që janë bërë të bezdisura për sa i përket qytetarëve, kemi pasur shumë ankesa,” është shprehur Besnik Dervishi për TCH.
Ky regjistër ka për qëllim t’i japë fund telefonatave të padëshirueshme e komunikimeve promocionale si dhe mesazheve gjatë periudhës së fushatës ku partitë politike kontaktojnë shqiptarët pa dëshirën e tyre.
Gjithashtu ligji parashikon vendosjen e një fashe orare për të gjitha kompanitë e marketingut, të cilët do t’iu lejohet konsumimi i telefonatave nga ora 9:00 deri prën 19:00, pa përfshirë individët e regjistruar në regjistrin e ndaluar.
Në rast se këta kompani do të telefonojnë personat e regjistruar në regjistër, kundrejt tyre do të aplikohet gjoba me vlerë deri në 1 milionë lekë. Detyrim tjetër i tyre parashikohet të jetë informimi i personave gjatë telefonatës, për mundësinë e regjistrimit në regjistër me qëllim që të mos kontaktohen më.
“Do futet një koncept i mbrojtjes së qytetarit dhe dhënies së pëlqimit. Nëse konstatohet se nga një operator, subjekt është shkelur ligji, apo janë bërë thirrje pa pëlqimin e tyre parashikohen sanksione”, thotë Dervishi.
