Edukatorja e dyshuar për dhunimin e një fëmije 4-vjeçar në një kopsht në Korçë është arrestuar nga policia.
Ngjarja u bë e ditur pak ditë më parë, pas denoncimit të bërë nga nëna e të miturit, e cila iu drejtua policisë pasi kishte vënë re se djali i saj nuk ishte në gjendje të mirë prej disa ditësh. Sipas informacioneve paraprake, fëmija i kishte treguar nënës se ishte goditur nga edukatorja.
Pas kallëzimit, shërbimet e Komisariatit të Policisë Korçë kanë kryer veprimet hetimore për zbardhjen e rrethanave të rastit, përfshirë këqyrjen e pamjeve filmike.
Në përfundim të veprimeve hetimore, edukatorja është arrestuar për veprën penale “Keqtrajtimi i të miturve”.
Hetimet për rastin vijojnë për dokumentimin e plotë të rrethanave të ngjarjes.
