Lajme të këqija për Barcelonën vetëm dy ditë para “El Clásico”-s. Raphinha dhe Jules Koundé nuk u stërvitën me skuadrën këtë të premte.
Në rastin e Koundé, shqetësimi është i vogël — bëhet fjalë për një goditje të lehtë, dhe ai pritet të rikthehet në stërvitje të shtunën, duke qenë gati për përballjen në “Bernabéu”.
Por situata e Raphinha-s është shumë më serioze. Sipas “Jijantes” dhe “AS”, braziliani e mbylli stërvitjen e së enjtes duke mos u ndjerë mirë dhe sot e la fushën para kohe me fytyrë të shqetësuar. Ai është përjashtuar plotësisht nga ndeshja ndaj Real Madridit.
Mendohet se bëhet fjalë për rikthim të dëmtimit në kofshën e djathtë, gjë që mund ta mbajë jashtë fushave për të paktën një muaj. Në këtë rast, Raphinha do të humbasë edhe ndeshjet ndaj Elche, Club Brugge dhe Celta Vigo, duke synuar të rikthehet vetëm pas pushimit të nëntorit, në sfidën kundër Athletic Bilbao më 22 nëntor.
Megjithatë, nuk mungojnë lajmet e mira për katalanasit: Frenkie de Jong dhe Andreas Christensen janë rikuperuar plotësisht pas problemeve me stomakun dhe kanë stërvitur normalisht me grupin, duke u bërë gati për “El Clásico”.
