Të shtëna me armë zjarri janë dëgjuar në zonën e Ndroqit në Tiranë.
Sipas informacioneve paraprake, të shtënat kanë qenë në ajër dhe nuk ka të plagosur.
Gjithashtu mësohet se policia ka shoqëruar katër persona.
Njoftimi i policisë:
Tiranë/Informacion paraprak
Në Sallën Operative të DVP Tiranë ka ardhur një telefonatë se në fshatin Zbarqe, Ndroq, ishin dëgjuar të shtëna me armë.
Menjëherë në vendngjarje kanë shkuar shërbimet e Policisë dhe grupi hetimor. Gjatë veprimeve të para hetimore dhe kontrollit të zonës, është gjetur dhe sekuestruar një armë gjahu (çifte) dhe municion.
Për verifikimin dhe sqarimin e rrethanave të rastit, janë shoqëruar 4 shtetas në Komisariat.
Vijon puna për dokumentimin e plotë të rastit.
