Të paktën 5 persona kanë humbur jetën nga të shtënat me armë zjarri në një shkollë në Graz, Austri.
Policia austriake ka thënë se të shtënat ndodhën në një shkollë të mesme federale në Dreierschützengasse, në veriperëndim të qytetit të Gracit, jo shumë larg stacionit kryesor të trenit.
Zëdhënësi i policisë Fritz Grundnig i tha medias lokale se mund të ketë disa viktima, me ORF që raporton gjithashtu se personi i dyshuar i armatosur besohet të ketë vrarë veten.
Ngjarja ndodhi rreth orës 10:00 të mëngjesit. Brenda shkollës u dëgjuan të shtëna me armë zjarri dhe menjëherë pas dhënies së alarmit, policia nisi operacionin e ndërhyrjes në godinë.
Grazi është qyteti i dytë më i madh në Austri dhe ndodhet rreth 200 km nga kryeqyteti Vjenë.
