SPAK ka nisur hetimet për çështjet e pagave të gjyqtarëve.
Sipas gazetares, Klodiana Lala, në kuadër të hetimit, SPAK ka sekuestruar praktikat te Ministria e Financave.
Kujtojmë se gjyqtarët depozituan kallëzim penal lidhur me mosekzekutimin e pagave të gjyqtarëve dhe prokurorëve për muajin gusht 2026.
Në kallëzim kërkohet që organi i prokurorisë të hetojë rrethanat e krijuara dhe të identifikojë personin ose personat që kanë marrë, transmetuar apo zbatuar vendimmarrjen që ka sjellë mosdhënien e pagave. Mes personave të kallëzuar është edhe ministri i Financave, Petrit Malaj.
Në kallëzim theksohet se situata nuk prek vetëm një magjistrat, por një numër të konsiderueshëm gjyqtarësh dhe prokurorësh në të gjithë vendin.
