Pas autopsisë, autoritetet italiane kanë bërë me dije se është konfirmuar se 46 vjeçarja italiane, Ornella Forastefano e cila u gjet e vdekur më 16 gusht, ka humbur jetën si pasojë e dhunës së ushtruar ndaj saj nga partneri shqiptar, Elvis Metvelaj, 42 vjeç.
E ndjera u gjet pranë urgjencës së spoitalit në Trebisacce, por nuk arriti t’u mbijetonte plagëve pavarësisht ndërhyrjes së mjekëve. Për krimin e rëndë, policia arrestoi Metvelajn teksa ky i fundit po përpiqej të largohej nga Italia drejt Shqipërisë.
I arrestuari rezulton emër i njohur për drejtësinë italiane pasi ishte përfshirë në një hetim për trafik ndërkombëtar droge në Kalabri së bashku me një grup prej 20 personash. Ai njihej në grupin kriminal me pseudonimin ”Majmuni”.
Në hetime u përfshi edhe këngëtarja shqiptare Liljana Kondakçi, e cila u dënua nga drejtësia italiane me 2 vjet e 8 muaj burg për transport droge. Kondakçi i kishte mohuar akuzat ndaj saj.
