Një shpërthim i fortë ka tronditur mëngjesin e së dielës zonën Piana del Sole në Romë, duke shembur dy ndërtesa të banuara dhe duke lënë 2 persona nën rrënoja.
Sipas informacioneve të para, dy të tjerë janë plagosur rëndë. Ndërkohë, ekipet e zjarrfikësve që kanë mbërritur menjëherë në vendngjarje po punojnë për të nxjerrë edhe dy persona të tjerë që kanë mbetur të bllokuar nën rrënoja.
Shpërthimi ka qenë aq i fuqishëm sa ka dëmtuar edhe ndërtesa të tjera përreth. Si pasojë, rreth 70 banorë janë evakuuar nga zona për arsye sigurie.
Ngjarja ka ndodhur në kryqëzimin e via Tavagnasco me via Cigliè. Nga verifikimet e para, dyshohet se shkaku i shpërthimit ka qenë një rrjedhje gazi.
Autoritetet janë në vendngjarje dhe hetimet vijojnë për të zbardhur plotësisht rrethanat.
