Mbrojtësi i Real Madridit, Raul Asencio, ka kaluar një sezon fantastik në aspektin sportiv, por ka probleme serioze personale. Ai është sërish në qendër të vëmendjes, ngase dyshohet se ka ndarë përmbajtje seksuale pa lejen e dy vajzave të përfshira, njëra prej të cilave ishte minorene në kohën e ngjarjes.
Dje, Gjykata e Lartë e Drejtësisë në Ishujt Kanarie njoftoi se hetimi ndaj lojtarit dhe tre ish-talenteve të tjerë të akademisë së Real Madridit, Ferran Ruiz, Juan Dominguez dhe Andres Garcia, ka përfunduar.
Ata akuzohen për regjistrim dhe shpërndarje të materialeve video me përmbajtje seksuale pa konsensusin e tyre (e para nuk vlen për Asencion) dhe për shpërndarje të dyshuar të pornografisë me minorenë.
Gjyqtari beson se ka prova të cilat vërtetojnë se lojtari i Los Blancos kërkoi videon që Rodriguez t’ia dërgonte atij, duke e ditur se një nga viktimat ishte e mitur. Asencio ia ka treguar edhe një personi të tretë, i cili është dëshmitar i çështjes.
Ngjarja ka ndodhur më 15 qershor 2023 në një klub plazhi në Amadores.
