Shtetet e Bashkuara kanë shpallur sanksione të reja që targetojnë kompanitë më të mëdha të naftës ruse, Rosneft dhe Lukoil, me qëllim të ushtrimit të presionit mbi Moskën për të negociuar një marrëveshje paqeje në Ukrainë. Kjo shpallje erdhi një ditë pasi Presidenti amerikan Donald Trump njoftoi se takimi i planifikuar me homologun e tij rus, Vladimir Putin, në Budapest do të pezullohet për një kohë të pacaktuar.
Trump e shprehu shqetësimin se bisedat me Putin nuk po çonin në asgjë. Sanksionet e fundit përfaqësojnë një ndryshim të rëndësishëm në politikën e jashtme të administratës Trump, e cila më parë ka deklaruar se do të shmangte sanksionet derisa kombet evropiane të ndalonin blerjen e naftës ruse. Pavarësisht se ndikimi ekonomik në Rusinë është parashikuar të jetë minimal, Trump ka shprehur dëshirën për një marrëveshje paqeje përfundimtare pas tre viteve e gjysmë konflikti.
Sanksionet edhe janë një kërkesë e gjatë e liderit ukrainas Volodymyr Zelensky, i cili shpjegoi se ato do ishin një “sinjal të mirë” nga SHBA, duke shtuar se një armëpushim ishte i mundshëm nëse kombet e tjera do të ushtrojnë më shumë presion mbi Rusinë. Trump tha se sanksionet janë “të jashtëzakonshme” dhe shpresonte se ato mund të tërhiqeshin shpejt nëse Rusia ndalonte luftën.
Sekretari amerikan i Thesarit, Scott Bessent, nënvizoi se sanksionet ishin të nevojshme për shkak të “refuzimit të Putinit për të përfunduar këtë luftë pa sens”. Rusia, që mbështetet në eksportet e naftës dhe gazit, ka sfida për të vazhduar të eksportojë në vende si Kina, India dhe Turqia, të cilat Trump i ka ftuar të ndalojnë blerjen e energjisë ruse.
Ndërkohë, luftimet në Ukrainë vazhdojnë, duke shkaktuar viktima civile. Takimi i planifikuar i Trump-it me Putin është pezulluar pas një telefonate mes Sekretarit të Shtetit dhe homologut të tij rus, ndërsa Trump dhe Zelensky kishin diskutuar për blerjen e raketave Tomahawk, por kjo kërkesë nuk u realuzua. Konferenca e liderëve europianë në Uashington ka në axhendën e saj një plan 12-pikësh për të çuar përpara negociatat dhe për të siguruar një rrugë të qartë për anëtarësimin e Ukrainës në BE.
