Administrata Trump po miraton rregulla të reja që ndikojnë në politikën ndërkombëtare për të drejtat e njeriut. Këto rregulla do të kenë implikime për vendet që zbatojnë politike për diversitetin, barazinë dhe përfshirjen (DEI), duke i kategorizuar ato si shkelje të të drejtave të njeriut. Departamenti i Shtetit do të dërgojë këto udhëzime në të gjitha ambasadat dhe konsullatat amerikane, të cilat merren me raportimin e abuzimeve të të drejtave në mbarë botën.
Rregullat e reja sipas Departamentit të Shtetit, synojnë të ndalojnë “ideologjitë shkatërruese” dhe përfshijnë gjithashtu financimin e abortit dhe lehtësimin e migrimeve masive si shkelje të të drejtave të njeriut. Aktivistët për të drejtat e njeriut e kanë kritikuar këtë qasje, duke argumentuar se administrata Trump po riformulon parimet e themelore të të drejtave të njeriut për të ndjekur qëllime ideologjike. Një zyrtar i lartë i Departamentit tha se këto rregulla janë “një mjet për të ndryshuar sjelljen e qeverive”.
Politikat DEI kanë për qëllim përmirësimin e rezultateve për grupe specifike racore dhe identitare. Që nga marrja e detyrës, Trump ka kërkuar të eliminojë DEI-në dhe të rikthejë mundësitë që bazohen në merita. Zyrtari theksoi se të drejtat e njeriut janë të dhëna nga Zoti dhe jo nga qeveritë.
Një tjetër kategori politikash që do të konsiderohen si shkelje përfshin operacionet për kalimin e gjinisë tek fëmijët dhe ndalimin e fjalës së lirë përmes arrestimeve ose hetimeve për fjalët. Zëdhënësi i Departamentit, Tommy Pigott, tha se këto masa synojnë të mbyllin “portat për shkelje të të drejtave të njeriut”.
Kritikët janë shprehur se administrata po përdor të drejtat ndërkombëtare për qëllime të brendshme politike, duke prekur grupet që kanë nevojë për mbrojtje, si gratë, njerëzit LGBTQI+ dhe minoritetet etnike. Raporti i përvitshëm i Departamentit të Shtetit, tradicionalisht një burim i besueshëm për abuzimet, tani është në një situatë të re, duke përfshirë më pak kritika për aleatët e SHBA-së dhe më shumë për armiqtë e perceptuar.
Kjo ndryshim e politikës ka shkaktuar shqetësime për pasojat e mundshme në mbrojtjen e të drejtave të njeriut dhe tek ata që kërkojnë një mbështetje efektive në nivel global.
