Roma dhe Napoli kanë barazuar me rezultat 1-1 në kuadër të javës së 23-të të Serie A. Ndeshja edhe pse kishte ritëm, nuk është se solli shumë raste të mira për gol.
Në mundësinë e parë Napoli ia arriti që të shënojë, kur në minutën e 29-të, Leonardo Spinazzola arriti të shënojë për 1-0.
Roma tentoi në pjesën e parë të barazojë, por që nuk ia arriti. Claudio Ranieri bëri disa ndryshime në pjesën e dytë, kur Roma dominoi, sidomos me mbajtje të topi.
Leandro Paredes gjuajti bukur nga një goditje dënimi, por topi shkoi ngjitur me shtyllën. Në pjesën e mbetur të ndeshjes Napoli luftoi shumë që ta ruajë rezultatin, por dështoi në kohën shtesë.
Angelino shënoi gol të bukur me një goditje të fortë brenda zonës për të barazuar në 1-1. Me këtë barazim, Napoli mbetet lider me 54 pikë, ndërsa Roma është e nënta me 31 pikë.
