TIRANË – Pasuri me vlerë 750 mijë euro janë sekuestruar në kuadër të operacionit të koduar “Immediate”.
Sipas njoftimit të policisë, dyshohet se pasuritë rrjedhin nga veprimtaria kriminale e shtetasit Oltiok Hasani, 37 vjeç.
Me vendim të Gjykatës së Shkallës së Parë të Juridiksionit të Përgjithshëm Tiranë u vendos sekuestro ndaj pasurive të paluajtshme e të luajtshme, në emër të shtetasve Oltiok Hasani, 37 vjeç, dhe Irma Hasani, 41 vjeç, konkretisht 6 apartamente dhe 6 automjete.
Nga veprimet hetimore dyshohet se pasuritë e sekuestruara e kanë burimin nga veprimtaria kriminale e kryer nga shtetasi Oltiok Hasani, i cili në vitin 2020 ka qenë i dënuar për vepra penale në fushën e narkotikëve, në Britaninë e Madhe.
Materialet i kaluan Prokurorisë./ilirianews
