Al Nassr po vazhdon marshimin e pandalshëm në Saudi Pro League, duke shënuar fitoren e tetë radhazi.
Skuadra e drejtuar nga Jorge Jesus mposhti Neom SC me rezultatin 3-1, në një ndeshje ku Cristiano Ronaldo dhe João Félix ishin sërish protagonistët kryesorë.
Pjesa e parë u mbyll pa gola, me të dy portierët që u dalluan për ndërhyrje vendimtare.
Vetëm dy minuta pas rifillimit, Al Nassr kaloi në avantazh falë Ângelo, i cili përfitoi nga një goditje dënimi e Ronaldos që u përplas në mur.
Në minutën e 65-të, Doucouré shkaktoi penallti ndaj Félix, dhe Ronaldo realizoi saktë, duke shënuar golin e 953-të në karrierë.
Neom ngushtoi diferencën në minutën e 84-t, por vetëm dy minuta më vonë, João Félix mbylli takimin me një gol spektakolar nga distanca, të cilin portieri Maximiano nuk mundi ta ndalte. Ishte goli i tij i 10-të në këtë kampionat.
Pas këtij triumfi, Al Nassr kryeson renditjen me 24 pikë, tre më shumë se ndjekësi më i afërt Al Taawon, ndërsa Neom zbret në vendin e shtatë me 13 pikë.
Me Ronaldon dhe Félix në superformë, skuadra saudite duket e vendosur të dominojë plotësisht sezonin në Arabinë Saudite.
