Akademiku Artan Fuga ka kritikuar ashpër opozitën shqiptare në lidhje me vendimin e saj për të marrë pjesë në komisionin e Reformës Territoriale, duke e cilësuar këtë veprim si “të paturpshëm”. Në një postim të gjatë në rrjetet sociale, Fuga evidenton kontradiktat në qëndrim të opozitës, e cila me një anë shpall se do të ndalojë çdo formë bashkëpunimi me mazhorancën, ndërsa nga ana tjetër, vendos të angazhohet në një reformë që e sheh si të papranueshme.
Ai thekson se problemi nuk qëndron vetëm në pjesëmarrjen e opozitës në këtë komision, por në përmbajtjen reale të reformës territoriale, e cila sipas tij, ka shumë çështje të pazgjidhura. Fuga pyet se a ka opozita ndonjë platformë të qartë dhe të mirëstudjuar për këtë reformë, duke shtuar se qëndrimet e tyre janë të ngatërruara dhe se për të, është më e rëndësishme të diskutohet mbi përmbajtjen e reformës sesa ajo që mund të quhet shfaqje formale e pjesëmarrjes.
Gjithashtu, ai e shpreh shqetësimin për të drejtat e qytetarëve në pushtetin lokal, si dhe decentralizimin dhe kompetencat e bashkive. Fuga ngre çështje të tilla si si do të përfaqësohet politika e popullsisë rurale dhe nëse ka pavarësi për pushtetin lokal nga qendra. Ai shpreh shqetësim për mungesën e transparencës dhe efikasitetit të shërbimeve nga bashkitë.
Pjesa tjetër e reagimit të tij përmban një sërë pyetjesh që synojnë të nxjerrin në pah dështimet e reformës të deritanishme, duke theksuar se shumë çështje që lidhen me administrimin e territorit, si mbrojtja e mjedisit dhe përfaqësimi i duhur i qytetarëve, mbesin të pazgjidhura. Një nga konstatimet kryesore është se reforma territoriale nuk duhet të jetë thjesht një ndarje territoriale, por duhet të adresojë probleme të thella dhe sistematike që prekin jetën e qytetarëve.
Në përfundim, Fuga thekson se opozita duhet të dalë nga ky “rreth vicioz” dhe të ofrojë ide konkrete në këtë proces të rëndësishëm, përndryshe do vazhdojë të humbasë mbështetje nga elektorati.
