Real Madridi dhe Thibaut Courtois janë shumë pranë arritjes së marrëveshjes për rinovimin e kontratës së portierit belg deri më 30 qershor 2028.
Ndryshe nga vitet e fundit, kur klubi ka pritur fundin e sezonit për të vendosur për lojtarët veteranë, këtë herë drejtuesit madrilenë nuk duan të humbasin kohë. Në “Valdebebas” besojnë se Courtois vazhdon të jetë ndër portierët më të mirë në botë dhe se paraqitjet e tij e justifikojnë plotësisht kontratën e re.
Besimi tek 34-vjeçari u përforcua edhe më shumë pas paraqitjes ndaj Interit, ku regjistroi shtatë pritje. José Mourinho gjithashtu ka shprehur publikisht besimin e plotë tek ai, ndërsa vetë Courtois dëshiron të vazhdojë sa më gjatë në Madrid dhe ka refuzuar interesime nga tregje më fitimprurëse.
Real Madridi ndërkohë po ndjek edhe portierë të rinj për të ardhmen, si Javi Navarro dhe disa talente të akademisë, ndërsa Lunin vazhdon të konsiderohet një alternativë e besueshme. Gregor Kobel gjithashtu i është ofruar klubit, por deri tani interesi për portierin e Dortmundit nuk ka shkuar më tej se monitorimi.
