Real Madridi ka likuiduar Manchester Cityn duke e nxjerre jashte Champions League qe në play-off, pasi madrilenët triumfuan me rezultat të përgjithshëm 6-3. Pas fitores ne Angli, edhe ne Spanje, erdhi “stuhia” madrilene, po me 3 gola, kete here te gjithe te shenuar nga Kylian Mbappe (hat-trick dhe 7 gola ne 10 ndeshje Champions). Ndeshje qe nuk kishte histori qe ne fillim dhe vazhdoi edhe pjesen e dyte, teksa goli i nderit per djemte e Pep Guardiola erdhi ne fund.
Pas vetëm katër minutash lojë, Kylian Mbappe kaloi Real Madridin në epërsi me një super gol, duke paraboluar portierin Ederson me një asistim të Raul Asencios. Madrilenët vazhduan me dominim edhe më tej, duke mos lënë hapësira për skuadrën mysafire. Por, Mbappe sërish gjeti hapësirë në defanzivën e e Cityt, ndërsa kësaj radhe u asistua prej Rodrygos. Francezi bëri lëvizje mashtruese, duke lënë mbrojtësit e Cityt të ngrirë, ndërsa shënoi me lehtësi në portën e Ederson.
Me kaq përfunduan 45 minutat e parë, derisa edhe në pjesën e dytë ishte dominimi i vendasve. Në minutën e 60-të, Mbappe kompletoi het-trikun e tij, për rezultatin 3-0, duke i dhënë goditjen e fundit kampionit te Premier League.
Manchester City ia doli të realizonte golin e nderit me anë të Nico Gonzalez në minutën e 90+2-të për rezultatin 3-1, ndërsa u eliminuan me rezultat të përgjithshëm 6-3. Të premten (21 shkurt), Real Madridi do të mësojë emrin e kundërshtarit që e pret në 1/8 e finales, ndërsa do të jetë Atletico Madridi ose Bayer Leverkuseni.
PSG sakaq ka “shetitur” ndaj Brest duke fituar 7-0 pasi kishte fituar 3-0 sfidën e vajtjes. Djemtë e Luis Enrique realizuan me 7 shënues të ndryshëm. Fillimisht e nisi Barcola, pastaj e vazhduan Kvarastkhelia, Vitinha, Doue, Mendes, Ramos dhe Mayulu.
