Derbi i Madridit, mes Real-it dhe Atletico-s mbyllet në barazim 1-1. “Fituesi” më i madh pas këtij barazimi në “Santiago Bernabeu” është Barcelona.
Ndeshja nisi vrullshëm nga të dy ekipet, goli i parë erdhi në minutën e 35-të pas një penalltie shumë të diskutueshme. Aurelien Tchouameni shkeli këmbën e Samuel Lino brenda zonës. Ndërhyn VAR-, arbitri shkon dhe e shikon në monitor rastin dhe akordon penallti. SHIKO RASTIN E PENALLTISE
Te Real-i nuk janë dakord me këtë vendim, Ancelotti nuk iu beson dot syve dhe i mbulon në shenjë habie për këtë rast. Argjentinasi Julian Alvarez ekzekuton një “panenka” perfekte dhe kalon Atletico-n në avantazh. SHIKO GOLIN Pjesa e parë mbyllet 0-1 për miqtë.
Pjesa e dytë nisi direkt me gol. Kylian Mbappe ndodhej në kohën dhe në vendin e duhur, dhe dërgoi topin e kthyer mbrpasht nga goditja e Bellingham në rrjetën e Oblak. GOLI I MBAPPE
Pavarësisht rasteve të shumta, shifrat përfundimtare mbetën 1-1. Pas kësaj ndeshjeje, Reali kryeson me 50 pikë, ndjek Atletico me 49 pikë.
Barcelona ka shansin e artë që nëse fiton nesër në Sevilla të shkojë në 48 pikë, duke e bërë garën për titullin kampion në La Liga shumë të fortë.
