Kryesocialisti Edi Rama është shprehur nga Elbasani se qytetarët po hyjnë në gjynah duke i dhënë votën sipas tij, “dikujt që duhet të shkoj në shtëpi, një burri stërplak, i lashtë, i dëshpëruar, i pashpresë”, duke iu referuar kreut të PD-së, Sali Berisha.
Sërish Rama u bëri thirrje qytetarëve të rrinë në shtëpi ditën e votimit, nëse nuk u pëlqen Partia Socilste dhe të mos shkojnë të mbajnë radhër për t’u hedhur në kënetë.
“Kush e ka problem pesën, le të mos e vejë te pesa, të zbresë poshtë dhe ka gjithë atë listë, të ndalojë në ndonjë vend të vejë votën dhe nuk hyn në gjynah. Kush nuk e bën as këtë, të rrij mo në shtëpi, ditë e dielë, kohë e mirë, të rrinë në shtëpi. Nuk dilet nga shtëpia për të hyrë në gjynah. Le mo me dal nga shtëpia, me e rrugullu, me shku me majt radhë dhe pastaj me u hudh në kënetë. Nuk bohet, nuk bohet”, tha Rama.
Rama: Mirë bufin që nuk ka njeri ta mbajë në shtëpi, po demokratët e Elbasanit, pse duhet të hyni në gjynah ju? Me i dhonë votën dikujt që duhet të shkoj në shtëpi dhe me e mbajt rrugëve një burrë stërplak, i lashtë, i dëshpëruar, i pashpresë, që të vijë vërdallë, po hyni në gjynah.
Mos hyni në gjynah! Hajdeni me ne! Kush e ka problem pesën, le të mos e vejë te pesa, të zbresë poshtë dhe ka gjithë atë listë, të ndalojë në ndonjë vend të vejë votën dhe nuk hyn në gjynah.
Kush nuk e bën as këtë, të rrij mo në shtëpi, ditë e dielë, kohë e mirë, të rrinë në shtëpi. Nuk dilet nga shtëpia për të hyrë në gjynah. Le mo me dal nga shtëpia, me e rrugullu, me shku me majt radhë dhe pastaj me u hudh në kënetë.
Nuk bohet, nuk bohet, të rrinë në shtëpi. Ndërkohë që ne të gjithë duhet që deri më 11 maj të bëjmë sa më shumë njerëz me ete dhe të bëjmë sa më shumë telefonata me ata në emigracion që kanë regjistruar emrat dhe nuk kanë kthyer zarfat mbrapa.
