Kryeministri Edi Rama u shpreh se ishte vullneti absolut i PS për drejtësinë e re, ndërsa shtoi se deklaratat e “bufit të kënetës” janë vetëm për ta shkrirë SPAK-un.
Ai foli edhe për kreun e SPAK Altin Dumani, të cilin e quajti një njeri me integritet.
“Altin Dumani është një burrë i zoti, është një burrë i ndershëm me integritet prej shumë vitesh në sistem. e kishte dëgjuar ti ndonjëherë Altin Dumanin që ekziston a s’ekziston? Aty ishte Altin Dumani prokuror. Kishte thirrur ndonjëherë Altin Dumani njeri me pushtet dhe t’i thoshte ‘hajde këtu’? Kishe parë ndonjëherë ti njerëzit me pushtet të parakalonin para Prokurorisë me të gjitha kamerat aty si në festivalin e Kanës? I kishe parë të gjitha këto ti? Po nga na erdhi Altin Dumani nga hëna erdhi? Jo një prokuror këtu në Tiranë me vite e vite të tëra “, tha Rama
