Mediat greke raportojnë për një takim të ngushtë mes kryeministrit të Shqipërisë, Edi Rama, dhe kryeministrit të Greqisë, Kyriakos Mitsotakis, pas varrimit të kryepeshkopit Anastas Janullatos.
Sipas “Ertnews”, të dy liderët biseduan në një atmosferë miqësore, duke u takuar gjithashtu me Patriarkun Bartolomeu, Arqipeshkvin e Qipros dhe Atin e Jeruzalemit. Takimi përfundoi me një përqafim mes Ramës dhe Mitsotakis.
Megjithatë, ata nuk zbuluan detaje të bisedave të tyre, duke theksuar se marrëdhëniet dypalëshe nuk përbënin një çështje të rëndësishme për momentin.
Mitsotakis theksoi: “Sigurisht që kemi marrëdhënie të mira dhe duhet të vazhdojmë kështu, pasi jemi vende fqinje dhe çdo problem duhet ta zgjidhim me dialog”.
Nga ana e tij, Rama shtoi: “Ne jemi miq. Ai erdhi këtu dhe unë kam nderin të jem një mikpritës i mirë. Kështu pimë një kafe, folëm për gjëra të ndryshme dhe nuk kam çfarë të ndaj me ju. Gjithçka është në rregull.”
