Rafa Mir është dënuar me tetë vjet e gjysmë burg nga Gjykata Provinciale e Valencias për agresion seksual dhe lëndime trupore.
Sipas Gjykatës së Lartë të Komunitetit Valencian, vendimi lidhet me ngjarjet e ndodhura më 1 shtator 2024 në banesën e futbollistit, në kohën kur ai ishte pjesë e Valencia CF.
Prokuroria kishte kërkuar një dënim prej dhjetë vjetësh e gjysmë burg. Gjykata vlerësoi se dëshmia e viktimës plotësonte kriteret e nevojshme për të rrëzuar prezumimin e pafajësisë së lojtarit.
Vendimi nuk është ende përfundimtar dhe mbrojtja e Rafa Mir ka bërë të ditur se do ta apelojë. Gjykata ka vendosur gjithashtu që viktima të marrë 64 mijë euro dëmshpërblim.
Në të njëjtën çështje, Pablo Jara, futbollist dhe mik i Rafa Mir, është dënuar me dy vjet e gjysmë burg dhe një gjobë prej 6,280 eurosh për agresion seksual.
Rafa Mir aktualisht është në pritje të rikthimit te Sevilla, me të cilën ka kontratë deri në qershor 2027. Sulmuesi kaloi sezonin e fundit i huazuar te Elche, por klubi nuk e aktivizoi opsionin e blerjes.
