Rafael Leão ka shpjeguar arsyen pse refuzoi mundësinë për t’u transferuar te Aston Villa dhe zgjodhi Galatasaray, duke mbyllur kështu aventurën e tij shtatëvjeçare me Milanin.
Sulmuesi portugez tha se klubi turk kishte punuar për transferimin e tij që prej muajit qershor dhe se insistimi i drejtuesve të Galatasaray ishte vendimtar në zgjedhjen e tij.
“Po, e refuzova Aston Villan sepse Galatasaray po punonte për këtë transferim që prej qershorit. Presidenti, zëvendëspresidenti dhe Jorge Mendes bënë një punë shumë të mirë. Është një mundësi e mirë për mua dhe do të jap maksimumin”, deklaroi Leão.
27-vjeçari foli edhe për bashkëpunimin me Victor Osimhen, duke theksuar se dyshja synon të arrijë rezultate të mëdha si në kampionat, ashtu edhe në Champions League.
Galatasaray siguroi transferimin e portugezit në një operacion me vlerë rreth 45 milionë euro, ndërsa Aston Villa u orientua më pas drejt talentit të PSG-së, Ibrahima Mbaye.
