Momente simbolike janë regjistruar gjatë protestës, ku disa prej pjesëmarrësve janë ngjitur në monumentin e heroit kombëtar Gjergj Kastriot Skënderbeu.
Protestuesit kanë mbajtur në duar flamurin kuqezi, duke e valëvitur mbi monumentin e Skënderbeut, në një moment që tërhoqi vëmendjen e të pranishmëve.
Protesta u shoqërua me thirrje të forta kundër qeverisë dhe policisë. Protestuesit i vunë flakën fotografisë së kryeministrit Edi Rama, e vendosur në kangjellat e Ministrisë së Arsimit, ndërsa brohoritën “Polici e krimit”, “Poshtë diktatura” dhe “Arrestoni Ramën”.











