Delegacioni i Bashkimit Evropian në Shqipëri ka reaguar lidhur me protestat e fundit në Tiranë, ku janë shënuar tensione, përshkallëzim i dhunës dhe dëmtime të pronës publike dhe private.
Në një reagim zyrtar, Delegacioni i BE-së dënon me forcë aktet e dhunës dhe u bën thirrje protestuesve të tregojnë vetëpërmbajtje, duke shmangur çdo veprim të dhunshëm.
“Dënojmë me forcë përshkallëzimin e dhunës gjatë protestës dhe shkatërrimin e pronës publike dhe private. U bëjmë thirrje protestuesve të tregojnë vetëpërmbajtje dhe të shmangin çdo akt dhune. Dhuna nuk ka vend në demokraci. Liria e tubimit dhe e shprehjes janë të drejta themelore dhe vlera thelbësore evropiane. Ato duhet të respektohen dhe të ushtrohen në mënyrë paqësore. Dialogu konstruktiv mes të gjitha palëve është e vetmja rrugë përpara për të adresuar shqetësimet legjitime”, thuhet në reagimin e bërë.
